نیش کپ انٹرنیشنل سکواش ٹورنامنٹ پشاورکےنورزمان نے جیت لیا

پشاور(سپورٹس رپورٹر)پاکستان کے ٹاپ سکواش پلیئر‘سابق سکواش لیجنڈ قمرزمان کے پوتے نے لندن اور کینیڈا میں ہونے والا نیش کپ سکواش ٹورنامنٹ جیت لیا‘نور زمان نے مصر کے السرینی کے خلاف تین صفر سے کامیابی اپنے نام کی۔ان کی جیت کا سکور انیس سترہ‘ گیارہ سات اور گیارہ نو رہا‘ نور زمان نے اس سے قبل سیمی فائنل میں کولمبیا کے میٹیاس کو شکست دی‘نور زمان کی کامیابیوں کا سلسلہ جاری ہے اور اس سے قبل انہوں نے حال ہی میں ورلڈ 23 سکواش چیمپئن شپ اپنے نام کی اس کے ساتھ لندن اوپن میں بھی کامیابی حاصل کی‘سکواش لیجنڈقمرزمان(چیئرمین کے پی سکواش ایسوسی ایشن ) داﺅد خان (صدر کے پی سکواش ایسوسی ایشن) سمیت سکواش کے تمام فیڈریشنز کے عہدیداروں اور پلیئرز نے نور زمان کو اس کامیابی پر مبارکباد پیش کی‘ قمرزمان کا کہنا تھا کہ یہ نور زمان کے لئے ایک اور بڑی جیت ہے‘ ملائشیا اور مصر کے کھلاڑی سکواش پر چھائے ہوئے تھے اور اب پاکستان کے کھلاڑی بھی ان کے ساتھ بھرپور مقابلہ کررہے ہیں امید ہے کہ نور زمان اسی طرح کھیلتے ہوئے ملک و قوم کے لئے مزید بین الاقوامی ایوارڈز لائے گا اورایک دن ورلڈ چیمپئن بننے کا خواب بھی اس کا پورا ہوگا‘