پشاور(سپورٹس رپورٹر)سکولز گیمز کے انتظامات کے حوالے سے ریجنل سپورٹس آفس پشاور ڈویژن کذاجلاس منعقد ہوا جس میں ریجنل سپورٹس افسر پشاور ڈویژن کاشف فرحان اور سیکرٹری سپورٹس کمیٹی انٹر ہائی اینڈ ہائر سیکنڈری سکولز پشاور نوید اختر اور دیگر شرکاءنے شرکت کی اجلاس میں ٹورنامنٹ کے انتظامات، شیڈول، سہولیات اور دیگر اہم امور پر غور کیا گیا۔ اجلاس کے دوران ریجنل سپورٹس افسر کاشف فرحان نے کہا کہ ڈائریکٹر جنرل سپورٹس خیبر پختونخوا تاشفین حیدرکی رہنمائی میں محکمہ سپورٹس ٹورنامنٹ کو کامیاب بنانے کے لیے ہر ممکن تعاون فراہم کرے گا۔ انہوں نے کہا کہ نہ صرف محکمہ اپنے گراونڈز مہیا کرے گا بلکہ کھلاڑیوں کی رہنمائی کے لیے کوچز کی خدمات بھی فراہم کی جائیں گی۔اجلاس میں چیف کوچ خیبرپختونخوا شفقت اللہ، سینئر کوچ سکواش طاہر اقبال اور ڈپٹی سیکرٹری سپورٹس کمیٹی خورشید خان نے بھی شرکت کی اور مختلف تجاویز پیش کر تے ہوئے کہاکہ اس کامقصد اسکول سطح پر کھیلوں کو فروغ دینا اور نوجوان کھلاڑیوں کے لیے مواقع فراہم کرنا ہے۔
