جونیئر انڈر16 ہاکی کیمپ بنوں سپورٹس کمپلیکس میں آغاز
بنوں(سپورٹس رپورٹر)ریجنل سپورٹس آفس اور ضلعی انتظامیہ کے تعاون سے بنوں سپورٹس کمپلیکس میں جونیئر انڈر16 ہاکی کوچنگ کیمپ شروع ہوگیا جس میں بنوں ریجن کے پچاس سے زائد کھلاڑیوں کو کوالیفائیڈ کوچز ٹریننگ دینگے، ان خیالات کا اظہار ریجنل سپورٹس آفیسر بنوں سابق انٹر نیشنل کھلاڑی شفقت اللہ نے میڈیا سے گفتگو کرتے ہوئے کیا ٹریننگ کیمپ دو ہفتے تک جاری رہیگا، جن ڈائریکٹر آف سپورٹس کے ہاکی کوچ برکت اور سابق انٹر نیشنل کھلاڑی شفقت اللہ دو مختلف سیشن میں ٹریننگ دینگے کیمپ کا مقصد گراس روٹ لیول پر نئے ٹیلنٹ کو سامنے لانا اور ہاکی کا کھویا ہوا مقام واپس دلانا ہے انہوں نے کہا کہ آج کے یہی جونیئر کھلاڑی کل کے سینئر ہوں ہمیں ہاکی کا کھویا ہوا عرو ج واپس لانے کیلئے میرٹ پر کھلاڑیوں کا انتخاب کرنا ہوگا شفقت اللہ نے کہا کہ جونیئر انڈر16 ہاکی کیمپ میں بنوں ریجن کیلئے بہترین ٹیم کا انتخاب بھی کیاجائیگا جو کہ صوبائی چیمپئن شپ میں بنوں ریجن کی نمائندگی کرینگے
