پشاور(سپورٹس رپورٹر)صوبائی سکواش ایسوسی ایشن کے زیر اہتمام رمضان ٹریننگ کیمپ پشاور کے ہاشم خان سکواش کمپلیکس میں جاری ہے جس میں انڈر8 سے انڈر11 تک کے کھلاڑی شامل ہیں‘گزشتہ روز صوبائی سکواش ایسوسی ایشن کے چیئرمین و لیجنڈ قمرزمان نے کھلاڑیوں کو لیکچر دئیے اور انہیں عملی طور پر ٹیکنیکس سکھائیں ان کے ہمراہ صوبائی سکواش ایسوسی ایشن کے جائنٹ سیکرٹری و کو چ و ریفری منور زمان‘ دیگر سکواش کوچز اور آفیشلز موجودتھے اس موقع پر قمرزمان کی کاوشوں کو سراہا گیا جنہوں نے خود کورٹ میں بھی بچوں کیساتھ کھیلتے ہوئے وقت بھی گزارا‘ سکواش لیجنڈ قمرزمان نے میڈیا سے بات چیت کرتے ہوئے کہا کہ ہر سال کی طرح اس سال بھی رمضان سکواش ٹریننگ کیمپ کا آغاز کیا گیا ہے جس میں کوالیفائیڈ پی اے ایف کے کوچز کھلاڑیوں کو تربیت فراہم کررہے ہیں جبکہ وہ خود اس ٹریننگ کیمپ کی نگرانی کررہے ہیں اور خود بھی کھلاڑیوں کو لیکچر دیتے ہیں اور انہیں جدید ٹیکنیس سمیت مختلف شاٹس پر عبور حاصل کرنے کے لئے عملی ٹریننگ بھی دے رہے ہیں اس سلسلے میں پی اے ایف کے ڈائریکٹر سپورٹس سمیت دیگر حکام بھرپور سپورٹ کررہے ہیں اور کھلاڑیوں کو تمام بہترین سہولتیں فراہم کی جا رہی ہیں انہوں نے کہا کہ پہلے بھی رمضان کیمپ سے ہمیں اچھے کھلاڑی ملے ہیں اور اس مرتبہ بھی اچھی پرفارمنس کی توقع ہے اور امید ہے کہ اس کیمپ سے بھی ہمیں بہترین کھلاڑی میسر آئیں گے جنہیں مزید ٹریننگ دی جائے گی اور انہیں مقابلوں کے لئے تیار کیا جائے گاانہوں نے کہا کہ ٹریننگ کیمپ کو ایج گروپ کے کھلاڑیوں کے لئے اوپن رکھا گیا ہے رجسٹریشن کے لئے ہاشم خان سکواش کمپلیکس میں رابطہ کیا جاسکتاہے۔انڈر8 سے انڈر11 کے کھلاڑیوں کو تربیت فراہم کرنے کا مقصد ہی انہیں گروم کرنا ہے اگر اس ایج سے کھلاڑی گروم ہونگے تب ہی وہ اوپر جاسکیں گے۔